Alam ni Selene na talagang ayaw sa kanya ni Sebastian.

Pakiramdam niya 10,000 na karayom ang tumusok sa puso niya. Sobrang sakit, nakakahiya at nakakainis.

Pero, takot din siya kay Sebastian.

Magsasalita pa sana siya tungkol sa ibang bagay, pero biglang naputol ang tawag.

Nadurog ang puso ni Selene.

"Anong problema, Selene?" nagtanong agad si Jade.

"Ma... Si Master Sebastian... Hindi siya pumayag na pag-usapan ang kasal namin... Hindi...naman niya yun malalaman, di ba?

Nagsimula umiyak si Selene sa takot. "Hindi niya malalaman na nagpapanggap akong si Sabrina, di ba? Ma, ano bang dapat natin gawin? Marami nang pinatay na tao si Sebastian, natatakot ako..."

Kahit si Jade at Lincoln ay natakot dahil sa mga ginawa nila.

Buong hapon na nakakaramdam ng takot ang buong pamilya hanggang sa pumunta ang katulog at sinabi, "Sir, Madam, nandito po si Sabrina. Sabi niya pumunta siya dahil gusto niya kunin yung mga litrato nila ng mama niya."

"Sabihin mo umalis na siya!" Binuhos agad ni Selene kay Sabrina ang galit niya.

Sa oras na ito, takot at galit lang ang nararamdaman ni Selene. Nakalimutan niyang sinabihan niya si Sabrina kahapon na pumunta sa bahay nila para kunin yung mga lumang litrato ng nanay niya.

Ang intensyon naman talaga niya eh para ipakita sa harap ni Sabrina ang pagiging malapit nila ni Sebastian, para mainis at maasar lang si Sabrina!

Pero, hindi niya inasahan na tatanggihan agad siya ni Sebastian nung inimbita niya ito.

Walang nasabi ang katulong.

"Saglit lang! Ako na ang kakausap sa kanya!" Tumayo si Selene at lumabas ng bahay.

Buong hapon umiyak si Selene kaya namaga ang mga mata nito, ang buhok niya ay sobrang gulo din. Nakalimutan niyang humarap muna sa salamin at nagmadaling lumabas.

"Pokpok! Isa kang pokpok na may ganung trabaho din. Dinudumihan mo ang bahay ko sa tuwing pupunta ka dito, at hindi ka welcome dito! Umalis ka na!" Galit na sinabi ni Selene.

Ngumiti si Sabrina. "Selene di ba ikaw ang nagpapunta sakin dito para makuha ko yung mga litrato ng mama ko."

"Alis! Alis! Dun ka sa impyerno! Umalis ka na dito!" Sumigaw si Selene.

Sa sobrang galit ni Sabrina tumawa ito.

Tinignan niya si Selene.

At naisip bigla ni Sabrina na wala naman talagang dahilan ang pagwawala si Selene.

Si Sabrina ay walang kaalam alam sa nangyayari at kalmadong nagtanong, "Selene, nakikita ko na maga ang mga mata mo, at yung buhok mo parang pugad na ng manok sa sobrang gulo. Hindi kaya nabuntis ka ng kung sinong lalaki pero iniwan ka din?"

Sa sobrang galit ni Selene nakakatakot na ang kilos niya at gusto niya nang sugurin si Sabrina. "Bubugbugin na kita hanggang sa mamatay ka..."

Hindi man lang gumalaw si Sabrina at kalmado lang na sinabi, "Talagang gusto mo kong subukang patayin sa harap pa ng bahay niyo. Gusto mo rin bang mabulok sa kulungan?"

Sumigaw si Selene, "Ikaw... Ikaw! Pumunta ka na sa impyerno! Dali! Ngayon na! Bilis..."

Ngumiti si Sabrina, tumalikod ito, at umalis na.

Wala na siyang oras para makipag-away pa kay Selene.

Nagugutom siya at kailangan niya nang kumain.

Madali na siyang magutom simula nung nabuntis siya. Gusto niya sana ng masustansyang pagkain pero wala siyang pera para makabili ng ganun.

Wala siyang nagawa kundi bumalik na lang sa tinitirhan niya at kumain ng ilang mushroom sandwich na binili niya sa isang tindahan.

Habang kinakain ang sandwich niya, may nakita siyang lalaki na nakatayo sa harap niya.

Ang lalaking yun ay ang assistant ni Sebastian na si Kingston.

Natigilan siya saglit, pero tinuloy niya lang ang pagkain sa sandwich niya. Naglakad siya at nilagpasan niya lang si Kingston nang walang sinasabi at bumalik na sa kwarto niya.

Ang namamagitan lang sa kanila ni Sebastian ay isang contractual deal. Bukod sa pagkukunwari nila sa harap ni Grace, wala na silang ibang kailangan sa isa't isa.

Hindi kailanman ginusto ni Sabrina na magkaroon ng koneksyon na siya lang ang makikinabang.

"Miss Scott," Tinawag siya ni Kingston na nasa likod niya. Hindi niya inaasahan na hindi siya papansinin ni Sabrina.

Lumingon si Sabrina. "Tinawag mo ba ako?"

"Pumasok kayo sa kotse." sabi ni Kingston.

Natigilan si Sabrina.

"Tatawag si Madam ngayon sa bahay para magtanong. Kapag nalaman niyang hindi kayo magkasama ni Master Sebastian sa isang bahay..."

"Naintindihan ko." Dahil nagsimula na silang magkunwari, kailangan nilang gampanan ito. Pumasok na si Sabrina sa kotse.

Ang lugar na pinuntahan nila ay hindi sa Ford Residence, pero isang magandang lugar sa loob ng city center. Hinatid ni Kingston si Sabrina sa ground floor ng building, at umalis na rin pagkatapos niyang ibilin si Sabrina sa isang babaeng kasambahay na nasa mga 40s na.

"Ikaw siguro yung bagong Young Mistress, tama ba? Nakangiti ang babae habang nakatingin kay Sabrina.

Na-awkward si Sabrina sa kanya. "...Ikaw si?"

Nagpakilala ang babae ng sarili niya, "Ako si Aunt Quinton, ako yung kasambahay na nagsisilbi kay Madam ng mahigit sampung taon na. Tumawag si Madam para sabihin at ibilin na alagaan ko daw mabuti ang manugang niya. Halika na, sundan mo 'ko."

Isa itong mamahaling duplex suite, at hindi na kailangan pang sabihin kung gaano kagarbo ang itsura ng loob nito. Pero, yung ganitong klaseng tirahan ay hindi talaga kayang bilhin ng mga ordinaryong pamilya.

Tinanong ni Sabrina si Aunt Quinton,"Ang bahay na 'to..."

"Ito ang dating tirahan ni Young Master Sebastian," sabi Aunt Quinton.

Naintindihan ni Sabrina. Si Kingston ang sumundo sa kanya, kaya siguro hindi pupunta si Sebastian dito.

Sobrang perfect nito. Hindi niya na kailangan isipin na baka wala na siyang lugar na pwedeng tirhan.

Balak niyang dalhin bukas ang kaunting bagahe niya galing sa bed space na nirerentahan niya.

Tumunog ang telepono sa may sala pagkaupo niya palang sa sofa. Sinagot ni Aunt Quinton ang tawag, ngumiti ito, at sinabi, "Si Madam. Opo, nandito siya. nandito siya. Kakaupo lang ni Young Mistress sa sofa."

Inabot ni Aunt Quinton ang telepono kay Sabrina. "Si Madam yung nasa kabilang linya."

Kinuha ni Sabrina ang telepono at sinabi, "Ah...Ma, okay ka lang po ba dyan?"

Nagtanong si Grace nang mahinahon, "Sabbie, sabihin mo sa akin, okay ba sayo yung bahay na yan?"

Sumagot si Sabrina, "Okay po ito sakin, kahit kailan hindi pa ko nakakatira sa ganito kagandang bahay."

"Nasaan ang pasaway kong anak? Kasama mo ba siya dyan?" Nagtanong ulit si Grace.

Alam talaga ni Sabrina na kung nandito siya, siguradong hindi pupunta si Sebastian. Pero, sinabi niya pa rin, "Papunta na rin po si Sebastian dito. Hinihintay ko po siya para makapag hapunan kami nang sabay."

"Mabuti, mabuti naman, sige na hindi ko na kayo aabalahin pa. Ibaba ko na 'to.."

"Bye, Mama."

Nung kinagabihan, masarap ang hapunan ni Sabrina at pinaghanda pa talaga siya ni Aunt Quinton ng mga kailangan niya sa pagligo.

"Young Mistress, ito po yung mga essential oil, bath milk, at rose petals. Kapag ginamit niyo po ang mga ito sa pagligo, mas gaganda pa ang kutis niyo.

"Hinanda ko na rin ang bathrobe para sa inyo at nilagay ko na sa labas ng banyo. Kunin niyo na lang doon pag labas ng banyo. Ihahanda ko na muna ang tutulugan niyo."

Si Aunt Quinton ay isang maalagang kasambahay.

Medyo hindi pa siya makapaniwala sa maayos na pag-aalaga at pagsisilbi sa kanya.

Nagandahan si Sabrina sa maluwag na banyo, sa isang malaking bathtub na maraming gamit, sa mabangong essential oils, at sa rose petals.

Nakatira lang siya sa bedspace na tulugan lang ang nirerentahan, kaya kailangan niyang gamitin ang pampublikong liguan tuwing kailangan niyang maglinis ng sarili.

Hindi pa siya nagkakaroon ng maayos na ligo simula nung lumabas siya sa kulungan.

Kaya hindi niya sasayangin ang pagkakataong ito ngayon.

Pagkatapos lumubog sa bathtub, naramdaman ni Sabrina na sobrang komportable ang buong katawan niya, at nagsimula na siya antukin.

Inaantok na siya nung umahon siya galing sa bathtub, basang basa pa ang katawan niya, at binuksan niya ang pinto para abutin ang bathrobe. Pero, meron siyang nabangga na matangkad at maganda ang katawan.

"Ah...!" napasigaw nang malakas si Sabrina sa sobrang gulat niya.