Nanliit ang mata ni Sabrina sa galit. Namutla ang babae sa takot at patuloy na nagpaliwanag nang mabilis. "Ano lang po...yung mga magulang ng kaibigan niyo ay nangutang talaga ng isang milyong dolyar sa amin. Sabi nila kailangan nila ang pera para isa pa nilang anak, na may sakit at kailangan magpagamot para mabuhay. Sabi nila ipapadala nila ang isa pa nilang anak dito sa akin at wala silang pakialam kung ibenta ko siya basta lang buhay siya. Ginagawa ko lang po ito dahil hindi nila ako mabayaran, hindi naman pwedeng mamigaw na ako ng isang milyong dolyar ng ganun lang, di ba? Kaya po-"

"Naintindihan ko na." Hindi na tumingin pa si Sabrina sa babae at hinigpitan ang pagkakayakap kay Ruth.

"Pa-pakiusap maawa kayo sa amin," nagmakaawa ang babae.

"Damit!" Sumigaw ulit si Sabrina.

"Mamadaliin ko na po sila!"

Hindi nagtagal, bumalik ang babae na may dalang dalawang malalaking bag ng mga damit.

"Banyo!"

Agad na dinala ng babae si Sabrina at Ruth papunta sa banyo.

"Ruth, maligo ka na