Sapat na ang mga salitang binitawan ni Elliot para lumambot ang puso niya.

Umalis siya sa mansyon ng maagang-maaga tapos pinatay niya nag kanyang phone… Nakita niyang tinatawagan siya ni Mrs. Cooper na sigurado siyang utos ni Elliot…

‘Ibig sabihin, nag’aalala siya sa akin?’

“Sigurado akong ikaw si Elliot, tama iho?” Singit ni Laura nang maramdaman niyang medyo naging awkward ang awra. “Nako… malungkot kasi si Avery kaya sinamahan ko muna para makapag unwind. Teka, ikukuha kita ng maiinom!”

“Mommy!”

“Wag na po, ayos lang ako.”

Sabay na nagsalita si Avery at Elliot, na siyang lalong mas nagpa awkward ng paligid.

“Aalis na po siya kaya wag ka ng mag’abala, Mommy. Umupo ka nalang nang makapag pahinga ka.” Inalalayan ni Avery ang Mommy niya na umupo sa couch.

Hindi niya man sabihin pero halatang pinapaalis ni Avery si Elliot.

Naramdaman naman ni Elliot ang gustong mangyari ni Avery kaya tumayo siya at nagpaalam.

“Mauna na po ako. Bibisita nalang po ako ulit.”