Halos malaglag ang panga ni Chelsea sa sobrang pagkagulat.

“Actually, hindi naman ako one hundred percent sure pero siguro nasa eighty hanggang ninety. Hindi ko sinasabi sayo noon kasi okay pa kami dati, at naisip ko lang naman din na yung mga napala niya sa buhay ay sapat na para icompensate ang nagawa niya.”

Kinilabutan ng sobra si Chelsea at hindi niya alam kung paano ba dapat ang maging reaksyon niya. Ilang minuto ang lumipas na nakatitig lang siya kay Charlie bago niya nanginginig na kinuha ang kanyang wine glass para uminom.

“Oo, magaling siya sa lahat ng bagay pero may matinding baho siyang tinatago kaya itigil tigil mo yang pagpapantasya mo sa ganung klaseng tao. Isipin mo nga… Osige sabihin natin na magustuhan ka niya at magpakasal kayo, hindi ka ba natatakot sa mga pwedeng mangyari sayo?” Pagpapatuloy ni Charlie habang hinihiwa ang kanyang steak.

“Sigurado ako na may rason siya kung bakit niya nagawa yun… Hindi ako naniniwala na masama siyang tao.” Bulong ni Che