Hiding hindi hahayaan ni Avery na may umagaw sakanya ng kahit anong iniwan sakanya ng daddy niya at gagawin niya ang lahat para ipaglaban ang mga ito.

Sobrang prangka ng pagkakasabi ni Avery kaya nagulat si Elliot. Hindi naman siya nasindak, sa totoo lang ay natatawa pa nga siya.

“Bakit ka nakangiti?” Tanong ni Avery nang makitang ngumiti si Elliot.

“Ikaw! Wow! sobrang yabang mo naman yata. Inaangasan mo ba ako? Ha ha! Mukhang ikaw ata ang naghuhukay ng sarili mong hukay!” Sagot ni Elliot.

Kaya namang tanggapin ni Avery yung mayabang at maangas daw siya na sabi ni Elliot, pero hindi niya maintindihan kung anong ibig sabihin nito na naghuhukay siya ng sarili niyang hukay…

“Bumalik ka na nga sa kwarto mo! Sumasakit ulo ko pag nakikita ka!”

Bakas sa mukha at sa tono ng boses ni Elliot ang inis.

“Bakit ako? Wala naman akong ginagawang masama sayo ah! Baka naman may sakit ka kaya masakit ulo mo!” Nag-aalalang sagot ni Avery. “Diba may family doctor kayo? Gusto mo bang