Nang marinig ni Avery ang tanong ni Elliot, medyo nahimasmasan siya.

‘Akala niya ba aamin ako porket lasing ako?’

‘Aha! Nagkakamali ka Elliot Foster!’

Oo nakainom siya pero beer lang yun at hindi wine. Malinaw pa rin ang isip niya.

Hindi sumagot at natulog.

Imbes na sagot, paghinga ni Avery ang narinig ni Elliot. Napangiti nalang siya habang nakatitig sa screen ng kanyang phone. Wala siyang balak na ibaba dahil ngayon nalang ulit ito tumawag sakanya at hindi niya alam kung mauulit pa ‘to.

Pagsapit ng alas otso ng umaga, nagmamadaling bumangon si Avery. Sobrang sama ng panaginip niya… panaginip na nagpaalala sakanya noong araw na namatay ang kanyang daddy.

Dahil dun at sa naging pagkalugi noon ng Tate Industries, nagpalaboy sila ng mommy niya. Tandang tanda niya na may isang beses na halos mamatay na siya sa uhaw pero wala silang kahit sincong duling.

Pawis na pawis at hinihingal siya nang magising. Huminga siya ng malalim at sinabi sakanyang sarili,, “Tapos na yun, Avery