Nag-aalalang tumingin si Maxine kay James at sinenyasan niya siya.

Niluwagan ni James ang kanyang mga kamao.

Huminga siya ng malalim at nilunok niya ang kanyang galit.

"Sigurado ka ba? Kung ganun, bakit ang narinig ko na nakaranas ng Energy Deviation ang lolo ko dahil sa may umatake sa kanya habang nagkucultivate siya? Hindi ba iyon ang dahilan kung bakit may pinatay siyang mga tao na mula sa pamilya?" Kalmadong nagtanong si James.

"Oh, ganun ba? Ngayon ko lang narinig ang tungkol sa bagay na ito." Nagtatakang sumagot si Tobias.

"Talaga bang hindi mo alam? Malamang nandoon ka noong nasira ang cultivation base ng lolo ko at noong pinalayas siya tatlumpung taon na ang nakakaraan. Hindi ba niya sinubukan labanan ang desisyon o ipaliwanag ang kanyang sarili?" Tumingin si James sa mga mata ni Tobias at nagtanong.

Sumagot lamang si Tobias, "Nandoon nga ako noong nangyari iyon. Subalit, hindi nagpaliwanag ang lolo mo. Ni hindi siya nagsalita. Kasunod nun, pinalayas siya at itinapon