Anong pakielam niya sa iniisip ko?” Hinawi ni Avery ang kamay ni Mike at naiinis na nagpatuloy, “Kailan pa siya nagkaroon ng pakielam sa iniisip at nararamdaman ko?”

Nagulat si Mike. “Bakit kaya hindi mo siya tawagan at ikaw mismo ang magtanong niya?”

“Bakit ko siya tatawagan? Kung gusto niya talagang malaman kung anong iniisip ko, dapat siya mismo ang magtanong sa akin!”

“Oh, gusto mo bang sabihin ko sakanya na tawagan ka?”

“Mike, kanino ka ba talaga kampi?”

“Tinatanong pa ba yan? Siyempre sayo! Kung sakanya ako kampi, edi sana hindi na siya nahihirapang suyuin ka diba?”

Hindi naman pinagdududahan ni Avery ang pagkakaibigan nila ni Mike.

“Plano kong sumadlit sa Bridgedale. Mukhang wala namang kailangang asikasuhin sa company at okay naman ang nmga bata.” Sabi ni Avery.

“Bakit? Bibisitahin mo ba yung pasyente mo? Isang araw ang byahe mo papunta at pabalik. Malapit na ang birthday party ng mga bata. Gusto mo bang bumyahe pagkatapos nalang?”

Nakapag desisyon na si Avery.