“Wala yun.” Habang tinitignan ni Elliot ang sobrang putlang mukha ni Zoe, naawa siya. “Sige na, magpahinga ka na. Bibisitahin nalang ulit kita bukas.”

"Okay."

Habnag palabas ng ospital, tinanong ni Elliot ang bodyguard, “Nasaan na ang namatay na baby?”

“Dinala po ng tatay ni Zoe sa crematoprium para ipacremate.”

Nagulat si Elliot. Gusto niya sanang ipapaternity test ito, pero paano niya pa ito magagawa ngayon?

“Galit na galit si Mr. Sanford. Gusto ko sana siyang tulungan pero sa tingin ko akala niya kukunin ko sakanya ang baby kaya inaway niya ako.”

Kumunot ang noo ni Elliot pero hindi na siya sumagot at sumakay nalang sakanyang sasakyan.

Kinabukasan, maagang pinapunta ni Elliot ang kanilang family doctor.

Buong gabing gising si Elliot kaya namamaga ang kanyang mga mata.

“Mr. Foster, nabalitaan ko po na nakunan daw si Miss Sanford. Bata pa naman po kayo pareho… sigurado ako na magkaka anak pa po kayo.” Pampalubag loob na sabi ng doktor.

“Hindi yan ang dahilan kung bakit k