Puno pa ang wine glass at halatang hindi pa rin nagagalaw ang plato nito.

Kung hindi siguro siya dumating, malamang hindi ito aalis.

“Sige na, kumain na kayo. Aalis nalang kami.” Pagkatapos magsalita, tumalikod si Elliot at naglakad palayo.

Si Ben naman, na pasimuno ng lahat, ay nagmamadaling tumakbo habang hawak-hawak pa ang kanyang wine glass, “Elliot! Hintayin mo ‘ko!”

Nagthumbs up si Tammy kay Avery at naka ngiting sinabi, “Avery, the best ka talaga!”

“Bakit? Siya naman may gustong umalis..” Inosenteng sagot ni Avery.

“Hahaha! Ang lakas ng kutob ko na may gusto pa rin siya sayo!” Muling kinuha ni Tammy ang wine glass niya at chineers sa wine glass ni Avery. “Kitang kita ko sa mga mata niya. Ramdam na ramdam ko..”

“Alam mo Tammy, sa tingin ko kailangan mo ng bawas-bawasan yang kanunuod mo ng mga drama. Kung ano-anong pumapasok sa isip mo.”

“Bakit ako? Diba ikaw yung nagpuyat jan para manuod ng drama?”

“May sinabi ba akong drama ang pinanuod ko?!” Uminom si