Hindi inaasahan ni Avery ang naging tanong ni Elliot. Pakiramdam niya ay para bang may naka bara sa lalamunan niya. Hindi naman kasi niya alam na pupuntahan siya ng kambal sa ospital… At higit sa lahat, hindi niya rin naisip na ilalabas ng Elizabeth Hospital ang security footage dahil yun ang pangako ng mga ito sakanya!

Alam niya kung gaano kagaling mag suspetya si Elliot kaya naisip niyang hindi ito matatahimik hanggat hindi nito nalalaman kung sino ang nagdala kay Shea sa ospital. Pero may isang detalye itong hindi alam…Kulang ang footage na nakuha nito. Hindi kahapon, kundi noong isang araw niya dinala si Shea sa Elizabeth Hospital kaya imposibleng malaman ni Elliot na siya nga ang nagdala kay Shea.

“Elliot, divorced na tayo kaya wala kang pakielam kung nasa Elizabeth Hospital ako kahapon o wala. Isa pa, alam mo namang mahilig ako sa mga bata diba? Kaya kung sino-sino talaga ang mga binubuhat ko,” Sa kabila ng kaba, pinilit pa rin ni Avery na maging kalmado.

“Wag kang mag’a