Talagang natatawa si Gerald sa pagtatangka nilang hulihin siya.

“Humph! Nagyayabang kahit malapit ka nang mamatay? Walang hiya ka talaga! Sana marealize mo na natalo lang ako nung araw na yun dahil naging pabaya ako! Noong natalo ako, alam kong hinding-hindi ko makakalimutan ang kahihiyan na naramdaman ko sa sandaling iyon sa buong buhay ko! Dahil doon, nanumpa ako na papatayin kita sa lalong madaling panahon para makapag-higanti ako at ngayon, sa wakas ay nasa kamay na kita!" deklara ni Fernando bago siya umubo. Makikita doon na hindi pa naghilom ng maayos ang mga sugat na natamo niya sa kanyang likuran.

“Tama siya! Kailangan nating tapusin ang sama ng loob sa pagitan natin! Paniguradong hindi kita bibitawan ng madali sa pagkakataong ito!" panunuya ni Matilda bago siya malisyosong tumawa.

Gayunpaman, umiling lang si Gerald bago niya sinabing, “Sayang naman…”

Naningkit ang mga mata ni Fernando bago siya nagtanong, “…Anong ibig mong sabihin diyan? At bakit ka umiiling? Alam ko n