Sa may marshland, maririnig ang galit na sigaw ng halimaw. Umangat sa ere ang dambuhalang katawan ng python, at bumuga ito ng nakakalasong usok mula sa bibig nito. Ito ay isang True Essence Wave na nagtataglay ng napakalakas na lason at namamatay agad ang anumang madaanan nito.

Agad na umatras ang tatlo noong nakita nila ito.

Nagpatuloy ang kanilang laban.

Hindi nangialam si James at sa halip ay pinanood niya ang laban mula sa malayo.

Nahila ng laban ang atensyon ng marami, at nagtipon ang ibang mga kalahok na cultivator upang obserbahan ang sitwasyon. Di nagtagal, dumami ang mga taong nanood mula sa gilid. Karamihan sa mga taong ito ay kabilang sa isang grupo ng tatlo hanggang limang tao, at ang mga taong nangahas na lumapit ay kampante sa sarili nilang lakas.

Noong napanood niya ang laban, hindi napigilan ni James na purihin si Quintina, “Gaya ng inaasahan sa isang Grand Supernatural… Kahit na hindi pa nauunawaan ni Quintina ang Inscription of the Way, kaya niya itong gamitin.