Tumingin si James sa paligid. Ang bawat halaman sa lugar ay matagal nang nalanta, na dulot ng Demonic Energy.

Nagtatakang nagtanong si James, “Nakakapagtaka… Bakit may Demonic Energy dito?”

Nagsalita si Delainey, “Nakakaramdam ako ng nakakatakot na lakas sa lugar na ito. Umalis na tayo at sa ibang lugar na lang tayo maghanap. Huwag nating sayangin ang mga buhay natin para lang dito.”

Sumang-ayon si Henry kay Delainey, at sinabing, “Sa ibang lugar na lang tayo maghanap. Isang napakalawak na lugar ang Mount Walvern. Hindi naman natin kailangan na halughugin ang lugar na ‘to.”

Tumango si James. “Sige. Kung ganun, umalis na tayo.”

Nagdesisyon ang tatlo na huwag nang tumuloy sa direksyong iyon. Sa halip, lumihis sila ng daan at nagtungo sila sa ibang lugar.

Pagkaalis nila sa lugar, lumipad sila ng ubod ng bilis upang maghanap ng malalakas na halimaw.

Di kalaunan, nakarating sila sa isang marshland.

Lumulutang ang mga itim na bula, at bumugso ang itim na usok mula sa marshland