Ang halimaw ay kahawig ng isang ox. Mayroong isang sungay sa ulo nito at may mga pakpak ito, at balot ng kulay itim na kaliskis ang buong katawan nito. Habang nakatayo ito, nagmumula dito ang isang nakakatakot na aura.

"Katapusan niyo na!"

Sumigaw ang halimaw.

Nagulat si Henry at sinabing, "Nasa Eighth Stair na ng Immortal Ascension ang halimaw na 'to. James, ipaubaya mo na sa'kin ang isang 'to. Hindi ko pa nagamit ang lakas ko pagkaraan ng ng napakaraming taon ng pagkucultivate. Umupo ka na lang at panoorin mo na lang ang gagawin ko."

Noong susugurin na sana ni Henry ang halimaw, kumilos si James.

Isang kulay itim na stone tablet ang sumulpot sa ere at nagsimulang lumaki. Sa mga sumunod na sandali, nasa ilang daang metro na ang haba nito. Nakaukit sa tablet ang mga misteryosong simbolo. Nakakatakot ang taglay nitong kapangyarihan at lumipad ito patungo sa halimaw.

Ito ang Infinity Stele.

Kahit na matagal na itong nasa mga kamay ni James, hindi pa niya ito nagamit dah