Pagkatapos nilang magplano, nagdesisyon sila James at Callan na kumilos ngayong gabi.

Maghihiwalay sila. Kukunin ni James ang atensyon ng mga bantay at ni Lucjan, habang pupuslit naman si Callan at ililigtas niya ang mga bihag.

Sa katahimikan ng gabi, halos lahat ng ilaw sa Divine Sword Villa ay nakapatay.

Sa may daan sa bundok…

Fwoosh!

Isang tao ang bumaba mula sa langit at lumapag sa lupa.

Ito ay si James.

Agad na nakuha ng pagsulpot ni James ang atensyon ng mga disipulo ng Gu Sect.

“Sinong nandiyan?”

Agad na nilabas ng karamihan ang kanilang mga espada at sinugod nila si James. Dahil lahat sila ay mga fourth-rank grandmaster, mabilis ang mga kilos nila. Sa isang kisapmata, sumulpot sila sa harap ni James.

Kinumpas ni James ang kanyang kamay, at naipon ang malakas na enerhiya sa kanyang palad. Pagkatapos, tumama ang enerhiya sa mga disipulo ng Gu Sect, na agad namang tumilapon. Bumagsak sila sa lupa at namilipit sa sakit.

“Intruder alert!”

Ang sigaw ng isang disipulo