Habang umalingawngaw ang boses, hindi mabilang na mga kamao na gawa sa enerhiya ang nabuo at bumulusok papunta sa kanila ng may malakas na pwersa.

“Ang Blithe Fist of Abomination?”

Bahagyang nagbago ang ekspresyon ng mukha ni James at binunot niya ang Blade of Justice. Sa isang kisapmata, lumitaw siya sa unahan. Ang hawak niyang longsword ay naglabas ng isang nakakasilaw na Sword Energy, na humarang sa lahat ng mga nakakatakot na mga suntok.

Ang taong papalapit ay walang iba kung hindi ang Grand Patriarch ng Blithe Family, na si Winston Blithe. Sugatan na siya, at ngayon naman ay tumalsik siya dahil sa Sword Energy ni James.

“Haha. Magaling ang ginawa mo, James.”

Tumawa ng malakas si Bennett bago mabilis na naglaho mula sa lugar kasam ni Tobias.

“Bwisit,” himutok ni Winston.

Gusto niyang habulin ang mga ito, pero nakaharang si James sa kanyang daraanan. Hindi rin niya kayang gumawa ng kopya niya para habulin ang mga ito.

“Patay ka na ngayon, bata.” Pinanlisikan ni Winston si