Nagmadali si Jackson na dalhin si Bennett pabalik sa lugar kung saan naglaban sila James at Yaakov. Subalit, wala silang nakita.

Sinuri ni Bennett ang lugar at nagtanong siya, “Nasaan siya?”

Nagging malagim ang ekspresyon ni Jackson noong sinabi niya na, “Anong nangyayari? Nandito pa sila noong umalis ako. Binabantayan siya ng Grand Patriarch namin dito. Bakit wala nang tao dito ngayon? May dumating ba pag-alis ko?”

“Halughugin natin ang lugar.”

Naisip din ni Bennett na posibleng may nangyaring hindi inaasahan.

Pagkatapos niyang ibigay ang utos, agad siyang umalis at hinalughog ang lugar.

Samantala, dinala ni Thomas si Thea sa kaloob-looban ng Snow Cavern habang sinusubukan nilang humanap ng daan palabas.

Parang isang malaking labyrinth ang mga daan sa ilalim ng lupa, binabagtas nito ang kailaliman ng lupa. Lalong lumalamig ang paligid habang palalim sila ng palalim.

Maging si Thomas ay naramdaman ang paglamig ng hangin at ginamit niya ang kanyang True Energy upang labanan ang