“Bakit ka nakatitig sa akin, Avery?” Namula si Elliot sa sobrang lagkit ng tingin sakanya ni Avery.

Kabisado niya ang titig na yun… Ganun siya tignan ni Avery kapag nag aaway sila, pero… okay naman sila diba?

Hindi niya alam kung anong tumatakbo sa isip nito.

Pero yun din ang isa sa mga rason kung bakit baliw na baliw siya rito.

“Wala lang. Parang sobrang gwapo mo ngayon.” Tumayo si Avery at lumipat sa tabi ni Elliot, pagktapos, hinawakan niya ang buhok nito. “Nagwax ka? Hindi yun maganda. Bagay naman sayo kahit wala eh.”

HIndi nakapagsalita si Elliot.

Hindi sanay si Elliot na ganun kalambing si Avery kaya nagulat siya.

“Kumain ka na ba? Nagugutom ka ba? Gusto mo ng gatas?” Dire-diretsong tanong ni Avery at hindi pa man din nakakasagot si Elliot ay biglang tumayo si Avery at pumunta sa kusina para kumuha ng gatas. Hindi nagtagal, bumalik ito at ibinigay kay Elliot, “Inumin mo.”

Kinuha ni Elliot ang baso ng gatas kay Avery at sobrang nagtataka siya sa kilos nito, “Avery…