Bat kailangan mo pang makita? Puting buhok lang yun.”

Hindi nakasagot si Cole sa sinabi ni Avery.

“Sus, pinagtitripan mo lang ako eh.”

“Hindi na nga ako nagreklamo na sobrang oily ng buhok mo at kung talagang gusto kitang pagtripan, edi sana sinama ko nalang ang Uncle mo dito. Baka hindi lang buhok mo ang bunutin niya, kundi yang buong ulo mo.”

Biglang namutla si Cole nang marinig ang sinabi ni Avery. “Akala ko ba hindi naman ganun kasama ang uncle ko?”

“Hindi nga! Kasi kung masama talaga siya, bakit buhay ka hanggang ngayon? Pasalamat ka talaga at pamangkin ka niya! O siya, pagkaubos ko nito, mauuna na rin ako.”

Nagulat si Cole. “Akala ko ba may kailangan tayong pag usapan?”

“Tapos na tayong mag usap!” Inubos ni Avery ang kape niya at tumingin kay Cole. “Gusto ko lang talagang malaman kung kamusta ka, at ngayong narinig ko na grabe pala ang pinagdaanan mo, ayoko ng magsalita.”

“Bakit naman?”

“Siyempre, iisipin mo na nagyayabang lang ako at ayoko naman nun.” Tumayo si