“Inutusan ako ni Mr. Foster na ihatid ka sa airport,” Pagkabukas ng elevator, sumama ang bodyguard kay Avery.

“Hindi mo na ako kailangang ihatid!”

“Bakit ka ba galit na galit sa akin?” Hindi nagustuhan ng bodyguard ni Elliot ang pagtaas ng boses sakanya ni Avery. “Sinusunod ko lang naman ang utos ng amo ko!”

Biglang huminahon si Avery nang makita niya ang itsura ng bodyguard. Bigla siyang kinutuban ng masama.

“May sinabi ba siya sayo noong inutusan ka niyang ihatid ako sa airport?”

“Punasan mo muna yang luha mo, naiirita akong makita kang umiiya.”

Pinunasan ni Avery ang luha niya at muling nagtanong, “May nananakot ba sakanya?”

“Hindi ko alam. Basta inutusan niya lang ako na dalhin ka sa airport sa lalong madaling panahon.”

Hindi sumagot si Avery.

“Base sa pagkakakilala ko sa boss ko, mukhang alam niyang hindi na ligtas ang lugar na ‘to para sayo at malamang sinadya niya na awayin ka para mapilitan kang umalis.”

Sinabi yun ng bodyguard para kumalma si Avery at intindi