"Bakit hindi na lang tayo magpadala ng bodyguard kasama ni Ivy?" nag aalalang tanong ni Elliot.

“Sa tingin mo ba papayag si Ivy? Namumuhay siya ngayon bilang isang ordinaryong estudyante kaya tahimik ang buhay niya.” Sagot ni Avery na abalang magpuno ng cupcake, chewing gum, at iba pang mga pagkain na makakatulong kay Ivy para hindi ito antukin.

Alam ni Elliot na may punto si Avery, at wala siyang magagawa pagdating kay Ivy. Simula nang pumayag siyang hindi ipaalam ang pagkakakilanlan ni Ivy sa publiko, inihanda niya na ang sarili niya sa mga problemang pwede niyang kaharapin kapalit nito.

"Kailangan ba natin siyang bigyan ng mga energy drink?" gusto ring tumulong ni Elliot.

Alam niya na seryoso si Ivy pagdating sa internship na ito, kaya gusto niya ring suportahan ang anak dahil yun lang naman talaga ang pwede niyang gawin sa ngayon.

“Yun nga rin ang iniisip ko pero wala pa akong nabibili.” Sagot ni Avery. “Lalabas nalang ako mamaya para bumili.

“Tama, tapos umidlip din ta