Para kay Robert, mas mahirap magtrabaho sa gabi kumpara sa umaga.

Siguro dahil mahilig nga siyang matulog ng late kaya alam niya kung gaano kahirap gumising kinabukasan.

Hindi niya nakitang nagpuyat si Ivy at kilala niya ito na sanay matulog nang maaga, kaya siguradong maapektuhan ang kalusugan nito sa oras na magumpisa na maging night shift.

Hindi naman sila naghihirap kaya nasasaktan si Robert kapag iniisip niya na baka mahirapan lang si Ivy sa magiging sistema ng trabaho nito. Sigurado siya na ganito rin ang iisipin ng mga magulang nila.

"Hindi pa! Madaling-araw na ngayon sa Bridgedale. Sigurado ako na natutulog na sila," sabi ni Ivy na ayaw ng abalahin ang kanyang mga magulang. "Magmemessage nalang ako sakanila at kapag nabasa nila yun bukas, sigurado naman akong tatawagan nila ako."

"Okay. So pumayag ka na tanggapin ang internship?" tanong ni Robert.

Tumango si Ivy. “Napaka bihirang opportunity lang nito kaya sino naman ako para tumanggi diba? Nahihiya ako noon kasi inii