"Sa oras na magising si Eric at malaman niyang isa sa inyo ang nag donate sakanya ng puso, sa tingin niyo ba gugustughin niya pang mabuhay?” Seryosong tanong ni Elliot. "Maniwala tayo kay Avery. Magiging okay si Eric."

Tumango ang dalawa.

"Wag niyo rin masyadong ipressure si Avery. Ihahanda namin ang mga sarili namin sa lahat ng posibilidad.” Sabi ni Mr. Santos.

"Wag kayong mag alala, naiintindihan ko ang pinagdadaanan ninyo at gagawin namin ang lahat para maligtas siya," sagot ni Elliot.

"Salamat."

Habang nasa byahe, ibinaba ni Layla ang bintana.

Napatingin si Elliot. "Layla, isara mo ang bintana. Baka magkasakit ka."

"Medyo naiinitan po ako, Daddy."

"Nakalimutan mo na ba ang bilin ng Mommy mo? Mahina ka pa raw kaya hindi ka dapat masyadong malamigan."

Sinenyasan ni Elliot ang driver, na agad namang sinara ang bintana.

“Parang sobrang laki ng itinanda ng Mommy at Daddy ni Eric…” Malungkot na sabi ni Layla habang inaalala ang mga nangyari kanian.

"Kahit naman walang nangy