Pag sapit ng alas diyes ng gabi, halos maiyak si Avery sa sobrang saya nang makita niya ang medical report ni Eric.

"Ito ang pinakamagandang match na maaari nating mahanap para kay Eric Santos. Kahit hindi ito eksaktong match, mataas ang tsansa ng tagumpay natin dito," sabi ng doktor.

Medyo nagbago ang ngiti ni Avery. "Kung hindi sigurado ang tagumpay, nag-aalala ako sa mga posibleng komplikasyon na makuha niya."

"Ms. Tat— Ay, ang ibig kong sabihin, Doctor Tate, kahit naman ang mga perfect match ay may malaki pa ring posibilidad na magkaroon ng kumplikasyon. Alam mo naman ang kundisyon ngayon ni Eric diba? Hindi tayo pwedeng mag aksaya ng panahon dahil habang mas tumatagal ay lalo lang siyang lumalapit sa bingit ng kamatayan. Siya lang ang pasyenteng kilala ko na tumagal ng ganyan na naka ECMO kaya wala rin akong ideya kung ano ang mga pwedeng mangyari sakanya kapag pinatagal pa natin ito.”

Natahimik na lang si Avery sa mga sinabi ng doktor.

“Kakausapin ko muna ang mga magulang n