Kasalukuyang nakatitig si Hidden Dragon kay Donogue. Nagulat siya nang husto sa kaniyang mga nakita. “Buwisit, hindi naging ganoon kalakas ang natural na mga kakayahan ng mongheng ito pero nagawa pa ring sumabog sa lakas ng ginagamit nitong Sky Breaking Axe. Bilang lang ang mga taong makakatalo sa dambuhala kong dragon ng dagat. Pero walang kahirap hirap pa rin niya itong sinalag gamit ang kaniyang Sky Breaking Axe!”

Nang matigilan si Hidden Dragon at ang ibang mga pirata, pasimpleng pinakawalan ni Ambrose ang kaniyang acupoint. Pero hindi siya agad na umalis kasama ni Eira. Pinanood niya muna ang monghe at nagisip nang malalim mula sa kaniyang mga nakikita.

“Na…nagawa ng mongheng ito na gamitin nang perpekto ang lakas ng Sky Breaking Axe! Kahit na nagsuot monghe ang isang ito, parang may isang tao akong naaalala sa sandaling nakikita ko ang arogante niyang mukha,” Isip ni Ambrose.

Dito na biglang narealize ni Ambrose ang isang bagay, dito na nagsimulang manginig ang kaniyang katawa