Nagmamadaling kumilos ang lahat ng mga sundalo at naglakad papunta sa kaliwa nang makita nilang hawak ng naguutos na si Darryl ang commander’s badge ng South Cloud World.

“Unang 20,000 na mga sundalo, humakbang kayo ng 50 beses papunta sa kanluran.” Huminga nang malalim si Darryl habang nagpapatuloy sa pagsigaw ng kaniyang mga utos. “Humakbang naman ng 50 beses pasilangan ang natitirang 20,000 na mga sundalo. Gumawa ang mga natitirang sundalo sa gitna ng isang hugis pamaypay. Dali! Bilisan ninyo itong gawin!”

Nagmukhang seryoso si Darryl habang nakakaramdam ng matinding nerbiyos sa kaniyang dibdib.

Alam niya na masyadong delikado ang ginawa niyang ito, pero agad naman nitong mababago ang takbo ng laban sa sandaling magtagumpay siya sa paggawa ng formation na iyon.

Naging masunurin naman dito nang husto ang mga sundalo ng South Cloud World. Sinunod nila ang mga utos ni Darryl nang walang pagaalinlangan at agad na nakarating sa kanilang mga posisyon.

Pero pansamantalang humina an