Hinawakan ni James ang baba niya at bumulong, "Ang War God Palace? Ito ba ang palasyo ng War God ng Ancient Heavenly Court Age? Hindi ba siya ang ama ni Sophie? Kung ganun, dito ba nakatira si Sophie noong bata pa siya?"

Sabi ni Qusai, "Tara na at tignan natin."

Lumapit ang grupo at sinubukan ni James na itulak pabukas ang gate.

Gayunpaman, hindi bumukas ang gate. Kahit gaano katinding pwersa ang gamitin ni James, hindi niya ito mabuksan.

"Subukan ko."

Lumapit si Qusai at sinubukang itulak ang gate gamit ng buong lakas niya, pero wala siyang napala.

Nanlulumo niyang sabi, "Hindi ko rin to mabuksan. Mukhang may formation na pumipigil sa'ting buksan ang gate at pumasok."

Tanong ni James, "Kung ganun, anong dapat natin gawin?"

Umiling si Qusai at nagsabing, "Paano ko malalaman yun?"

Sa sandaling iyon, tinuro ni Maxine ang istatuwa sa gate at nagsabing, "Hindi kaya ang istatuwang ito ang susi sa pagbukas sa gate? Narinig ko sa guro ko noon na naglalagay ng istatuwa sa gates nil