Pagkatapos nilang halughugin ang lugar, wala silang nahanap na magagamit nila.

Noong paalis na sana sila…

“Ano ‘to?”

Nagtanong si Maxine.

Nang marinig nila ito, ang lahat ay lumingon at tumingin sa direksyon kung nasaan ang tinutukoy ni Maxine. Mayroong trono sa harap ng main hall. Sa sandaling iyon, isang puting liwanag ang lumulutang sa ibabaw ng trono.

Tumingin sila sa puting liwanag. Pagkatapos, napagtanto ng lahat na ang puting liwanag ay isang token.

Maliit lang ang token, at kasing laki lamang ito ng isang palad. Bilog ang hugis nito, at mayroong mga misteryosong karakter na nakaukit sa token.

“Ito kaya ang War Order? Ito ba ang susi upang maabot ang Thirty-third Stage?” Ang nagtatakang bulong ni James. Pagkatapos, naglakad siya palapit sa token at kinumpas niya ang kanyang kamay.

Isang malakas na kapangyarihan ang nabuo sa kanyang palad at pwersahan niyang hinila pababa ang puting liwanag mula sa ere.

Lumitaw ang War Order sa mga kamay ni James. Habang hawak ang token