Kusang tinaas ni Yuvan ang espada niya para salagin ang atake, pero nabasag na ang espada niya.

Kahit na hindi maalamat ang espada niya, gawa ito sa pambihirang materyal at hindi ito isang pangkaraniwang sandata.

Wala siyang paraan para iwasan o salagin ang atake ni James. Ang magagawa niya lang ay kayanin ito, pero nabigo siya.

Alam niyang hindi siya papatayin ni James.

Kahit na umatake si James nang may intensyong pumatay, hindi niya mapapatay si Yuvan.

Kahit na ganun, natalo pa rin siya kay James.

Pagkatapos nasira ng Primordial Dragon Blade ang espada ni Yuvan, sumapi kay James ang mga anino niya at gumawa ng nakakatakot na pwersa.

Bumugso ang pwersa mula sa Primordial Dragon Blade at napilitan si Yuvan na umatras nang ilang hakbang.

Gayunpaman, hindi nasugatan si Yuvan.

"A-Anong klaseng swordsmanship ang sinasanay mo?"

Gulat na tinignan ni Yuvan si James.

Itinabi ni James ang Primordial Dragon Blade at nahihiyang ngumiti. Sumagot siya, "Ito ang swordsmanship ng