Naasikaso na ni James ang lahat ng kailangan niyang asikasuhin sa Earth.

Nangako si Lucifer na hindi aatakihin ng mga halimaw ang mga tao sa susunod na 10,000 taon.

Sa kasamaang-palad, nakuha niya ang atensyon ng maraming mga powerhouse noong nakuha niya ang Four Elements of Genesis. Kaya naman, pinapasok niya ang lahat ng may koneksyon sa kanya sa Celestial Abode.

Ngayon, wala na siyang kailangang alalahanin sa Earth.

Tungkol naman kay Thea, sinabi sa kanya ng custodian na nagmemeditate siya sa isang tagong lugar. Kahit na hindi sigurado si James kung nasaan ba talaga si Thea, panatag ang loob niya dahil alam niya na binabantayan ng custodian si Thea.

Tumingin si James sa magandang custodian at sinabing, "Handa na ako, Ms. Custodian. Pakiusap dalhin mo ako sa Demon Realm."

"Sige." Tumango ang custodian.

Dinala niya si James palabas ng Chamber of Scriptures.

Tumayo sa tuktok ng bundok ang custodian. Sumasayaw sa hangin ang mahaba't kulay itim niyang buhok habang dumadaloy pa