“Kumpara sa iyo, hindi ganoon kalakas ang Elysian Seal sa ibang pangkaraniwan na tao.”

“Ang pisikal na katawan mo ay kakaiba, at nakuha mo ang pamana ni Emperor Jabari. Bukod pa doon, nakuha mo ang Infinity Stele. Kaya, matindi ang Karma na dala mo, kaya malakas ang epekto ng Elysian Seal sa iyo.”

Noong marinig ito ni James, mas naintindihan na niya.

Sa madaling salita, ang lakas ng Elysian Seal ay nakadepende sa mga achievements na nakamit mo sa pagcucultivate kabilang ang potensyal at lakas.

“Hindi ko pa naabot ang rurok?” bulong ni James.

“Malayo ka pa sa rurok.”

Nagsalita si Sophie, “Malakas ka ngayon, lalo na ang pisikal na lakas mo, na umabot na sa gitna ng Immortal Ascension’s Eighth Stair. Oras na para malaman mo ang iba sa mga nagagawa ng Celestial Abode. Para sa iba, si Nova na ang magpapaliwanag sa iyo. Sabihan mo din siya na gabayan ka sa cultivation mo.”

Sa oras na iyon, narinig niya ang boses ni Nova mula sa Celestial Abode.

“Noon, alam na ni Emperor Jabari ang mga sakuna