"Nakakatakot ang pinagmulan niya.

"Higit pa roon, nasa kanya ang Elysian Inscription at pinapamunuan niya ngayon ang mga halimaw sa Earth."

"Kapag nanalo si James sa labang to, hindi aatakihin ng mga halimaw ang mga tao sa Earth sa hinaharap."

Sa malayo, nagtipon at nagbulungan ang mga Outsiders mula sa Three Thousand Worlds.

"Bakit di pa lumilitaw si James?"

Medyo kanina pa nandito si Lucifer, pero wala pa rin si James.

Sa sandaling iyon, isang lalaki ang nagmula sa malayo.

Isa siyang gwapong lalaking nakasuot ng itim na balabal. Kalmado siyang naglakad sa ere at huminto sa bundok kung nasaan si Lucifer.

Nakatayo siya daan-daang metro mula kay Lucifer at tinignan niya siya.

"Nandito na si James."

"Sa wakas nagpakita na rin si James. Nakadepende ang kapalaran ng sangkatauhan sa labang ito. Matatalo kaya ni James si Lucifer?"

Kinabahan ang ilang mga tao ng Earth.

Tumingin si James kay Lucifer na nasa harapan niya at kalmadong nagsabi, "Nandito na ako, Lucifer."