Hindi sigurado si James kung gaano kalakas si Sophie.

Subalit, nagawa niyang pagalawin ng kaunti ang Infinity Stele.

Kahit na nasaktan siya, nagawa pa rin niya itong iusog ng kaunti.

Lumapit si James kay Sophie at tinulungan niya siyang bumangon mula sa lupa. Nag-aalala siyang nagtanong, “Ayos ka lang ba?”

Marahang kinumpas ni Sophie ang kanyang kamay at pinunasan niya ang dugong tumutulo mula sa kanyang mga labi. Pagkatapos, sumagot siya, “Ayos lang ako. Epekto ito ng kapangyarihan ng Infinity Stele. May taglay itong pambihirang lakas. Gaya ng inaasahan sa isang pambihirang kayamanan na hindi kayang hawakan maging ng mga Emperor-ranked na cultivator.”

Nagtanong si James, “Kung ganun, anong dapat nating gawin ngayon?”

Napaisip ng malalim si Sophie.

Pagkatapos niyang mag-isip ng ilang oras, sumagot siya, “Kahit ako hindi ko ito kayang buhatin dahil sa mga nakaukit na salita dito. Nakaukit din dito ang mga pangalan ng ilang mga Emperor-ranked na cultivator, na nagtataglay ng napa