”Iyan lang ba ang kaya mong gawin?”

Habang masama ang loob ni James sa sitwasyon, isang boses ang kanyang narinig, at bumukas ang pinto sa likod niya.

Naglakad palapit sa kanya si Tapio.

Habang naglalakad siya, huminto siya at sinabing, “Huwag mo akong atakihin, James. Wala akong masamang intensyon. Ginagamit ko lang ang pagkakataong ito para turuan ka na huwag basta magtiwala sa ibang tao. Kung talagang gusto kitang patayin, ginawa ko na sana habang sugatan ka pa. Bakit kita iiwan doon? Hindi ka ba sang-ayon sa’kin?”

Nagpaliwanag siya ng naka ngiti.

Subalit, sinalubong siya ng isa pang hiwa ng napakalakas na Sword Energy.

Agad na dumikit si Tapio sa pader upang iwasan ang mga atake ni James.

Matibay ang mga pader. Hindi sapat ang kasalukuyang lakas ni James upang sirain ang mga pader at nag-iiwan lamang ito ng malalalim na hiwa.

“James, huminahon ka! Kaya kitang ilabas sa labyrinth na ‘to. Tumigil ka sa pag-atake at makinig ka muna sa’kin.” Sinubukan siyang kausapin ni Tapio h