Pagsikat ng araw, dumating ang isang grupo ng mga tao. Nasa unahan nila ang isang matandang lalaki na nakasuot ng gintong balabal. Hawak niya ang isang nagliliwanag na espada na may dalawang metro ang haba at may mga nakaukit na misteryosong simbolo.

Nasa likod ng matandang lalaki ang walong mga knight na nakasuot ng gintong balabal.

Habang palapit ang matandang lalaki, marami ang tumayo at napatingin sa kanya.

Siya si Koehler Keyes, ang pinuno ng mga Knight at ang nagmamay-ari sa Excalibur, ang sinusunod ng lahat ng mga knight. Siya ang may hawak ng second rank sa Elysian Ranking.

Dumating si Koehler sa tuktok ng bundok. Pagkatapos, sa isang kisapmata, sumulpot siya sa bakanteng lote sa gitna nito. Tumingin siya sa paligid, hinanap niya ang taong tumalo sa kanya isang daang taon na ang nakakaraan. Subalit, hindi niya nakita si Callan Maverick. Kaunti lamang ang mga Solean ancient martial artist na nakita niya.

Nadismaya siya. Mukhang hindi siya makakabawi kay Callan bag