Nakahanda na sa pagdepensa ang pwersa ng Mount Thunder Sect at alerto sila mula noong matanggap nila ang deklarasyon ng Celestial Sect. Para bang naghahanda silang makipaglaban sa isang napakalakas na kalaban.

Ang mga miyembro ng Mount Thunder Sect na nagtipon sa bulwagan ay agad na nilabas ang kanilang mga sandata noong nalaman nila na sumulpot sa paanan ng bundok ang mga miyembro ng Celestial Sect.

"Hindi ito ang oras para magpadalos-dalos." Agad silang pinigilan ni Jackson.

"Mr. Cabral, hindi na maganda ang sitwasyon natin. Gusto mo bang hintayin namin na atakihin nila ang base natin bago tayo magsimulang lumaban?" Ang galit na sagot ng isang elder.

Kinumpas ni Jackson ang kanyang kamay upang patahimikin siya. "Pambihira ang ginawa bg Celestial Sect nitong nakaraan. Nagpadala na ako ng mga tao para imbestigahan sila. Kahit na marami silang sinalakay na mga sect at mga pamilya, hindi nila sinaktan ang mga inosente. Pinadalhan nila tayo ng sulat upang ipaalam sa atin ang kanil