Masyadong mabilis ang mga kilos niya.

Walang sinuman sa Mount Thunder Sect ang may kakayahan na makita ng malinaw ang mga kilos niya.

Matagal bago nahimasmasan si Jackson mula sa kanyang pagkagulat.

"Sumusuko na ako."

Noong marinig niya ang pagsuko ni Jackson, tinabi ni Thea ang kanyang espada.

Sa isang iglap, nakabalik na siya sa orihinal niyang posisyon.

Tumingin si Jackson kay Thea, na nakasuot pa rin ng kanyang nakakatakot na maskara at sinabing, "Kahit na natalo ako, hindi ako makakapayag na umanib ang Mount Thunder Sect sa Celestial Sect. Kung gusto mo akong patayin, sige lang. Hindi ako lalaban."

"Sa tingin mo ba natatakot ako na patayin ka?" Ang marahas na sinabi ni Thea.

Sa sumunod na sandali, sumulpot siya sa harap ni Jackson at muli niyang diniin ang Malevolent Sword sa dibdib ni Jackson.

Hindi natinag si Jackson habang pinagbabantaan siyang patayin ng pinuno ng Celestial Sect.

Ang sabi niya, "Inaamin ko na mas malakas ka sa'kin. Pero, hindi ako papayag na m