Hindi na siya ang dating mahina at walang laban na Thea na hinahayaan ang mga tao na apihin siya.

“Thea, magtiwala ka sa akin. Ibabalik ko ang mga Callahan. Ibabalik ko sila kahit na ibuwis ko pa ang aking buhay.” Pagkatapos niyang sabihin ito, tiningnan niya si Maxine at sinabi, “Maxine, samahan mo si Thea pabalik ng Cansington. Ang sitwasyon sa Capital ay masyadong komplikado at mahirap basahin, lumayo ka muna dito pansamantala.”

“Hindi ko magagawa yun,” kaagad na umapila si Maxine. “Kapag sumama ako sayo, mabibigyan kita ng mga payo o matutulungan kitang gumawa ng plano sa gitna ng panganib. Bukod dun, wala kang masyadong alam tungkol sa ancient martial artists. Wala ka ding ideya kung sino ang mga elite sa hanay ng mga ancient martial artists. May konti akong kaalaman sa bagay na iyon. Pwede kitang matulungan.”

“May alam ka kung ano ang mangyayari sa Mt. Thunder sa pagkakataon na ito?” Tanong ni James ng may seryosong ekspresyon. “Nagkawatak-watak na ang Great Four. Sa kalagitna