Isang malakas na boses ang sumalubong kay James habang palapit siya sa tuktok ng bundok. Ang niyebe sa kalangitan ay biglang bumuo ng isang malaking bola ng niyebe at tumilapon ito papunta kay James.

Mabilis na binunot ni James ang kanyang espada.

Tinaas niya ang Blade of Justice, at nagmula sa espada ang isang nakasisilaw na liwanag. Nabuo ito at naging Sword Energy na humiwa papunta sa bola ng niyebe. Sumabog ang bola at kumalat sa ere ang niyebe.

Tumayo si James sa isang malaking puno at tumingin siya sa malayo.

Nakita niya ang isang matandang lalaki na nakatayo sa isang bato.

Bilugan ang mukha ng matandang lalaki at mayroon siyang kulay puting balbas. Nakasuot din siya ng puting balabal, at para bang hindi siya basta makikinig sa simpleng salita lang.

Nilagay ng matandang lalaki ang kanyang mga kamay sa kanyang likuran habang nakatingin siyang maigi kay James.

"Kailan pa nagkaroon ng isang binata na mula sa Sol na may ganito kalakas na True Energy? Iho, may natitira pan