Tumingin naman siya kay Aino at Susan. "Kayong dalawa dalian niyo na at pumasok na kayo."

Pagkatapos na umalis nang sabay ng dalawang batang babae, hindi na naitago sa ekspresyon ng nanay ni Susan ang paghamak nito. Lumingon siya kay Sabrina at tinanong, "Mama ni Aino, anong nangyari sa pribadong sasakyan mo?"

"Nasa business trip ang asawa ko," nanggigigil na sabi ni Sabrina, sinusubukan nitong pigilan ang pagkainis niya.

"Pero ang mga suot mo! Napaka ordinaryo lang, anong kaibahan niyan sa pag gala mo sa daan nang naka pajama kung ganyang klase ang pananamit mo?"

Tumigil nang saglit si Sabrina bago nito sinabi, "Mama ni Susan, ano ba talagang gusto mong sabihin sa akin?"

"Hindi kaya binenta mo na ang sasakyan at ang mga mamahalin mong damit para makaipon ng halagang limampung libong dolyar? Magsabi ka nga ng totoo, kapareho ka lang pala ng ibang mga nanay dyan, na nagkukunwaring mayaman kahit hindi naman? Kung ganun talaga ang katauhan mo, wala kang lugar sa grupo, este, sa eskwe