Pero may mga tao pa din sa karamihan na nasa labas ng opisina na tiningnan ang sitwasyon sa ibang pananaw.

"Nako, nakakamatay talaga ang chismis sa panahon ngayon!"

"Di ba? Medyo naaawa kasi ako sa Sabrinang yan, hindi naman sobrang laking bagay na nanganak siya bago pa siya ikasal."

"Sa tingin ko din hindi naman siya talaga masamang tao. Lagi siyang kinukulit ni Master Ryan simula nung una pero kahit kailan hindi siya pumatol sa kanya."

"Ngayon sinasabi naman nila na binenta niya ang sarili niya sa mga construction worker na para bang nakita talaga nila! Jusko!"

"Ang pang-aapi talaga sa panahon ngayon ay hindi na kontrolado. Wala nga rin silang pakialam kung may mamatay dahil dito. Wag na tayong makialam, wala rin naman tayong magagawa dito."

Karamihan ng mga tao ay nagbubulungan sa isa't isa, nang may isang boses ang sumigaw nang malakas na nagpatigil sa lahat.

"Napakagulo niyong mga tao! Paano niyo nagawang pumunta dito sa opisina at sinubukang saktan ang isang tao sa harap n