Hindi inakala ni Zayn na sobrang liit talaga ng mundo. Biruin mo yun? Si Hector Caven pala ang daddy ni Tessa?

“Kilala mo ba ang daddy ko?” Gulat na gulat na tanong ni Tessa.

Hindi makapag salita si Zayn. Hinding hindi niya makakalimutan si Hector. Dalawang beses na silang nagkita nito at sa parehong pagkakataon ay hindi naging maganda ang engkwentro nila. Noong beses, siguro nasa anim na taong gulang palang siya noon, tahimik siyang naglalaro sa labas nang may biglang nantaboy sakanya at sa buong pamilya niya na grupo ng mga kalalakihan. Si Hector ang lider ng mga yun.

Noong panahon na yun, sobrang bata pa ni Hector. Siguro nasa mga twenties palang… May kasama itong anim na lalaki at pwersadong tinaboy ng mga ito ang pamilya niya dahil daw may nakabili na sa tinitirahan nila. Tandang-tanda niya pa na may hawak itong kutsilyo at tinakot sila, “Kung ako sa inyo, wag niyo ng subukang magmatigas pa dahil wala naman kayong laban.”

Pero ang hindi inaasahan ni Hector ay sobrang tapang p