Nang tumalikod si Jane, gulat na gulat siya.

Dahil tumambad sakanya ang matangkad na lalaking nakatayo sa labas ng kweba at nakasuot ng pang sundalong uniporma na para bang nanggaling sa giyera.

Kahit si Noah, na walang ideya sa anumang konektado sa pagiging sundalo, ay masasabing mukhang hindi basta-bastahin ang lalaki.

“Siya….siya ba yan?” Tanong ni Noah.

Gulat na gulat si Jane pero sumagot pa rin siya. “Hi…hindi siya si Alex…. Pero siya ang personal bodyguard ni Alex.”

Hindi nakasagot si Noah.

Sa tindig palang ng lalaki ay halatang sobrang lakas at hindi sila basta-bastang palalampasin nito. Ano ba namang laban nila? Halos tatlong araw na silang hindi kumakain kaya nanghihina na ang mga katawan nila pero kahit naman siguro nasa kundisyon ang mga katawan nila, mag isa lang siyang lalaki at isang matanda at isang buntis ang kasama niya kaya wala pa rin silang kawala.

Kilalang kilala ni Jane ang lalaki.

Yun ay si Garrett Zandra.

Alam niya kung gaano ito katinik at kal