Sa sobrang emosyunal ni Gloria, pati si Sabrina na kasama niya ay naiyak din.

Niyakap niya ang Mommy niya, “Mommy, taha na. Alam ko na sa buong buhay ni lola, ikaw lang ang inisip niya at wala siyang ibang gusto kundi ang maging masaya ka kaya kailangan mong maging masaya para sakanya, Mommy…”

Ngayon lang nakita ni Sabrina na naging ganun kaemosyunal ang Mommy niya dahil palagi niya itong nakikitang nakangiti.

Sigurado siya na namana yun ng Mommy niya sa yumao niyang lola. Hindi man siya nabigyan ng pagkakataon na makilala ito ng personal, sigurado siya na magkakasundo sila nito kung sakali mang buhay pa ito hanggang ngayon.

Pinunasan ni Gloria ang mga luha niya at tumingin siya kina Sabrina at Sebastian. “Sebastian, Sabbie, maraming salamat kasi sinamahan niyo ako na bisitahin ang lola niyo. Walang mapag lagyan ang saya ko na dinalaw niyo siya ngayon.”

Nagbuntong hininga si Gloria at nagpatuloy, “Hindi ako pwedeng makitira sainyo habang buhay. Gusto kong bumalik sa dati naming b