Gusto sanang matulog ni Avery pero dahil nagising na siya, hindi na siya makabalik sa tulog.

“Ngayon na tayo pumunta!” Umakyat siya sandali sa kwarto niya para kunin ang kanyang bag.

Habang bumababa siya, nakatitig si Elliot sa tiyan niya. “Avery, gusto mo bang magpalagay ng elevator dito sa bahay mo?”

“Hindi.” Alam ni Avery kung ano ang iniisip ni Elliot. Natatakot ito na baka mapagod siya kakaakyat panaog at baka maapektuhan pa ang bata sa sinapupunan niya, pero hindi naman siya napapagod.

Kahit pa mas lumaki na ang tiyan niya, sigurado naman siya na kakayanin niya pa ring umakyat sa hagdan.

“Mamili ka nalang kung gusto mo bang ipalipat ang kwarto mo dito sa baba o magpalagay tayo ng elevator.”

“Paano naman ako magpapalagay ng elevator? Gusto mo bang tibagin ko ‘tong bahay ko?” Inirapan ni Avery si Elliot at nagpatuloy, “Siyempre kapag hindi ko na kayang umakyat, ako na mismo ang magsasabing dito nalang muna ako sa baba.”

Dire-diretsong lumabas si Avery habang si Elliot n