Ang notification ay galing sa bangko na nagsasabing may pumasok na 300 million sa account niya.

“Avery, balita ko ikaw ang nakipag break sakanya sa pagkakataong ‘to. Hmm sa tingin ko ginagawa niya ‘tong mga ‘to dahil nahihirapan siyang maka move on sayo.” Hula ni Tammy.

Masaya si Avery dahil sa 300 million na nakuha niya nang ganun kadali.

“Bahala siya sa buhay niya.” Kumuha siya ng saging sa fruit basket, binalatan ito at inabot kay Tammy.

Kabaliktaran naman si Tammy. Hindi siya natutuwa. “Bakit ba hindi na talaga nawala-wala sa eksena yang Chelsea na yan! Ang tagal ko ng hindi narinig ang pangalan niya kaya nakalimutan ko ng nagtatrabaho pa nga pala siya sa Sterling Group! Infairness ha! Sobrang tiyaga niya.”

Mabigat talaga ang loob ni Avery kay Chelsea kahit noon pa pero medyo matagal na rin noong huling beses silang nagkita.

“Ano ka ba! Mas mahal pa nga ata ni Chelsea si Elliot kaysa sa akin.” Natatawang sagot ni Avery. “Noong nalaman niyang ayaw ni Elliot na magkaroon n