Hindi nagtagal, dumating na ang bisitang nabanggit ni Avery.

Pumarada ang isang itim na Buik Business.

Nagbukas ang pintuan ng sasakyan at bumaba ang dalawang bodyguard. Dali-dali namang sumilip si Tammy para makita kung sino ang tinutukoy ni Avery.

“Sino yan? Bakit ang dami naman niyang bodyguard na kasama?”

Tumayo si Avery at noong nilampasan niya si Tammy, sinagot niya ang tanong nito, “Si Eric Santos.”

Makalipas ang ilang buwan ng rehabilitation, sa wakas kaya ng tumayo ni Eric. Matagal na niyang gustong bisitahin si Avery at ngayong araw, sinama niya ang kanyang buong pamilya para personal na makapag pasalamat dito.

Nakasuot si Eric ng kulay itim na stripes na t-shirt at sumbrero.

Dahil sa mask at sunglasses na suot niya, hindi siya basta-bastang makikilala pero dahil sa ganda ng katawan at tindig niya, pansinin pa rin siya!

“Avery, pwede ba akong sumigaw?!” Nanginginig ang buong katawan ni Tammy.

“Mas maganda siguro kung wag kasi baka tumawag ng pulis ang mga kapitbah