“Hindi ba pwedeng ang bodyguard at yaya niya muna ang magbantay sakanya ngayong gabi? Ang tagal na noong huling beses tayong nag’inom!” Pagpilit ni Ben, sabay lapit sa tenga ni Elliot para bumulong, “Nag’ibang bansa daw si Avery.”

Biglang natigilan si Elliot.

At ngayon gusto na niyang uminom.

Nagbook si Ben sa rooftop restaurant.

Nakatayo ang dalawa sa railing na may mga hawak na bote ng wine habang pinagmamasdan ang kalangitan.

Walang nagsasalita sakanila noong una, pero pagkatapos nilang maubos ang unang bote, si Ben na ang naunang nagsalita para basagin ang katahimikan, “Aminin mo nga bro. Kaya ka ba pumayag sa engagement niyo ni Zoe bilang kabayaran sa naging success ng treatment ni Shea?”

“Gusto ng mommy ko na pakasalan siya. Sabi rin ni Avery na si Zoe nalang ang isipin ko. Maliit na porsyento lang ang tungkol sa treatment ni Shea.

Tumingala si Elliot para tignan ang mga bituin at nagpatuloy, “Desidido na talaga si Avery na tapusin ang lahat ng namamagitan sa amin at t