“Diba sabi napagusapan natin na hindi na tayo magagalit kay Shea?!” Naiinis na sagot ni Layla.

Hinila ni Hayden ang kamay ni Layla at kinaladkad niya ito pabalik sa loob ng classroom.

Kahit anong mangyari, matutuloy at matutuloy ang surgery ni Shea.

Kahit pa puntahan sila nito para sabihing natatakot ito, wala namang magbabago dahil wala silang magagawa!

‘Bakit hindi siya kay Elliot Foster pumunta?!’

Bandang alas tres ng hapon, nakatanggap si Elliot ng tawag mula kay Mrs. Scarlet.

“Nawawala nanaman po si Shea!” Naiiyak na report ni Mrs. Scarlet. Mahigit isang oras na po namin siya hinahanap ng bodyguard niya pero wala po talaga siya. Nahalughog na po namin ang buong Starry River pero wala daw silang Shea na nakita!”

“Bakit kayo nasa Starry River?!” Pasigaw na tanong ni Elliot habang kinukuha ang susi ng kanyang sasakyan at naglalakad palabas.

“Kanina pa po kasi nagmamakawa si Shea sa akin na gusto niya raw makita si Hayden… Sabi ko po hindi pwede pero nagwala siya kaya din